Нидерландиянинг ПСВ клуби Англиянинг "Фулхэм" клубининг ҳужумчи Рикардо Пепини сотиб олиш таклифидан қониқмади. Бу ҳақда The Athletic хабар берди.
Манбага кўра, Пепининг 30 миллион евролик илк трансфер таклифи етарлича жозибадор бўлмагани учун рад этилган. "Фулхэм" таслим бўлмоқчи эмас ва америкалик ҳужумчи учун янги таклиф билан чиқмоқчи.
Январь ойида 23 ёшга тўладиган Пепи ПСВ сафида барқарор ўйин кўрсатмоқда. У жорий мавсумда 21 та ўйинда 10 та гол ва 2 та голли узатмани амалга оширган бўлса, ўтган мавсумда 29 та ўйинда 18 та гол ва 3 та голли узатмани амалга оширган. Февраль ойида у клуб билан 2030 йилнинг июнигача мўлжалланган янги шартнома имзолади.
