"Барселона" ҳужумчиси Роберт Левандовски яна бир клуб қизиқишлари доирасига тушиб қолди.
Польшалик фахрий 2026 йилнинг ёзида "кўк-анорранглилар" сафини эркин агент сифатида тарк этиши мумкин. Журналист Экрем Конурнинг маълумотига кўра, 37 ёшли футболчини "Орландо Сити" нишонга олган. "Шерлар" юлдуз ҳужумчи учун МЛСнинг бошқа бир вакили - "Чикаго Файр" билан кураш олиб боради. Шунингдек, футболчи Саудия Арабистони чемпионати грандлари радарларида қолмоқда.
Роберт Левандовски жорий мавсум Ханс-Дитер Флик жамоаси сафида 18 та ўйинда 8 та гол ва 2 та ассистни ўз ҳисобига ёздириб қўйди.
