"Ливерпуль"нинг ўнг қанот ҳимоячиси Конор Брэдли жамоадоши Флориан Вирц ҳақида қандай фикрда эканини айтди.

Яқинда германиялик ҳужумкор ярим ҳимоячи "қизиллар" сафида Премьер-лигадаги илк голини урди - у "Вулверхэмптон" дарвозасини ишғол қилди.

"Мен Вирцга қойил қолдим. У биринчи голни бироз кутишига тўғри келди, лекин мен у учун жуда хурсандман. Флориан - ажойиб ўйинчи. Биз ҳар куни машғулотларда унинг тўп билан ажойиб тарзда муомала қилишини кўрамиз. У тўпни майдоннинг исталган нуқтасига етказиб беришга қодир, ҳар доим нимадир ўйлаб топиши, тўпни ўзида сақлаб қолиши мумкин. У "Ливерпуль" учун жуда муҳим," - дея Брэдлининг сўзларини келтиради инглиз ОАВ.

Флориан Вирц ўтган ёзда "Байер"дан 125 млн евро эвазига мерсисайдликлар сафига қўшилганди.