"Манчестер Юнайтед" 2025 йилги сўнгги ўйинда "Вулверхэмптон"ни мағлуб эта олмади (1:1).
Учрашувнинг 27-дақиқасида Жошуа Зиркзее томонидан киритилган голга "бўрилар" 45-дақиқада Ладислав Крейчининг аниқ зарбаси билан жавоб қайтарди.
Шу тариқа, "қизил иблислар" календарь йилини салбий натижа билан якунламоқда. Рубен Аморим жамоаси чемпионатда 13 та ўйинда ғалаба қозониб, 14 марта мағлуб бўлган, яна 11 та ўйинда дуранг қайд этилган.
"Манчестер Юнайтед" АПЛнинг жорий мавсум турнир жадвалида олтинчи ўринни эгаллаб турибди. Кейинги турда манкунианликлар "Лидс" меҳмони бўлишади - учрашув 4 январь куни бўлиб ўтади.
