Мадриднинг "Реал" клуби ҳужумкор ярим ҳимоячиси Браим Диас клуб билан шартномани узайтиришга рози бўлди.
Cadena SER хабарига кўра, марокашликнинг янги меҳнат шартномаси 2030 йил ўрталарига қадар мўлжалланган. Битим ҳали расман тасдиқланмаган, лекин аллақачон тўлиқ келишилган. Марокашликнинг маоши ошади.
Браим Диаснинг "Реал" билан амалдаги шартномаси 2027 йилга қадар имзоланган. Жорий мавсумда 26 ёшли футболчи "қаймоқранглилар" сафида барча мусобақаларда 18 та ўйинда битта гол ва иккита ассист муаллифига айланди.
4 январь, якшанба куни Хаби Алонсо жамоаси "Бетис"га қарши ўйнайди. Браим Африка кубогида қатнашаётгани сабабли учрашувни ўтказиб юборади.













