"Ал-Ҳилол"нинг ўнг қанот ҳимоячиси Жоау Канселу қишки трансферлар даврида Европага қайтишни режалаштирмоқда.

Португалияликнинг Саудия Арабистонини тарк этиши мумкинлиги ҳақидаги маълумотлар куни кеча пайдо бўлди. Бу маълумотни инсайдер Фабрицио Романо ҳам тасдиқламоқда: унинг хабарига кўра, 31 ёшли футболчини ижарага олиш истагида бўлган Миланнинг "Интер" клуби аллақачон "Ал-Ҳилол" билан боғланган, шунингдек, яқинда "Барселона" ва "Ювентус" ҳам футболчи бўйича сўров юборган.

Жоау Канселу 2024 йилнинг ёзида "Манчестер Сити"дан Ар-Риёд клубига ўтганди. Эслатиб ўтамиз, футболчи бунгача "Барселона"да ҳам, "Ювентус"да ҳам, "Интер"да ҳам тўп тепган. Ҳимоячининг ҳозирги нархи Transfermarkt портали томонидан 10 млн еврога баҳоланмоқда.