Бирмингемнинг «Астон Вилла» жамоаси бош мураббийи Унаи Эмери АПЛнинг 19-турида «Арсенал»га қарши ўйиндан кейин нега лондонликлар устози Микель Артета билан қўл сиқишмагани ҳақида изоҳ берди. Кеча бўлиб ўтган учрашув «канонирлар»нинг 4:1 ҳисобидаги ғалабаси билан якунланди.
«Қайтариб кўринг. Ўйин тугагач, менинг доимий тартибим бир хил: аввал рақиб жамоа мураббийи билан қўл бериб кўришаман, кейин ўз мураббийларим ва футболчиларим билан учрашаман ёки кийиниш хонасига йўл оламан. Мен кутдим. Албатта, у ғалабадан хурсанд эди ва ўз штаби билан банд бўлди, шунинг учун мен кетишга қарор қилдим. Бу мен учун муаммо эмас. Агар рақиб мураббий мен томон келмаса, одатда кутиб тураман. Аммо совуқ эди…», — дея Эмери.













