"Милан" ярим ҳимоячиси Лука Модрич фаолиятидаги энг қаттиққўл мураббийни айтди.

"Моуриньо энг қаттиққўл эди. Криштиану Роналдуни кийиниш хонасида йиғлатганини кўрганман. Моуриньо футболчилар билан жуда тўғрисўз ва ҳалол. У Серхио Рамосга ҳам, янги ўйинчига ҳам бир хил муносабатда бўлган: агар унга нимадир айтиш керак бўлса, у буни айтган," - дея Модричнинг сўзларини келтиради Corriere della Sera.

Жозе Моуриньо 2010-13 йилларда "Реал"да ишлаган. Модрич унинг қўл остида 2012/13 йилги мавсумда ҳаракат қилган. Португалиялик мутахассис Мадрид клуби бош мураббийи сифатида Испания чемпионати, шунингдек, Испания кубоги ва Суперкубогида ғолиб чиқди.