"Порту" марказий ҳужумчиси Саму Агехова "Тоттенхэм"га ўтиши мумкин.
Fichajes нашри тарқатган хабарга кўра "шпорлар" аллақачон 21 ёшли испаниялик футболчининг трансфери бўйича "Порту"га 99 миллион евро атрофида таклиф билан чиққан. Ҳозирда лондонликлар португаллардан жавоб кутмоқда. Жорий мавсумда Агехова барча мусобақаларда 23 та учрашувда 16 та гол урди.
Ўтган мавсумда форвард 27 марта рақиб дарвозасини ишғол қилиб, Португалиянинг энг сермаҳсул футболчиларидан бирига айланди.
Испаниялик футболчининг "Порту" билан шартномаси 2029 йилгача мўлжалланган. Transfermarkt портали маълумотларига кўра, ҳужумчининг бозор нархи 50 миллион еврони ташкил этади.













