"Ноттингем Форест" ярим ҳимоячиси Эллиот Андерсон "Манчестер Сити"нинг трансфер мақсади бўлиб турибди, деб хабар берди Teamtalk.
Манбага кўра, "шаҳарликлар" раҳбарияти футболчи учун курашда принципиал рақиб - "Манчестер Юнайтед"ни ортда қолдира олишига ишонмоқда. "Манчестер Сити"дагилар чемпионлик учун кураш ва Европа Чемпионлар Лигасида мунтазам иштирок этиш туфайли ўз клуби футболчи учун жозибадорроқ бўлишига ишонишмоқда.
Англия Премьер-лигасининг жорий мавсумида Андерсон 19 та ўйин ўтказиб, 1 та гол ва 1 та ассистни ўз ҳисобига ёздириб қўйди.
