«Милан» ярим ҳимоячиси Лука Модрич «Месси ёки Роналду?» деган саволни ёқтирмаслигини айтди, шунингдек, ҳозирда «Ан-Наср» сафида тўп сураётган, ўзининг собиқ жамоадоши — ҳужумчи Криштиану Роналдунинг инсон сифатидаги фазилатлари ҳақида фикр билдирди.

— Месси ёки Криштиану Роналду?
— Бу савол менга ёқмайди. Улар бутун бир даврни белгилаб берган футболчилар. Менга Криштиану яқинроқ, чунки у билан бирга ўйнаганман, «Реал»да жамоадошим бўлган. Ишонч билан айта оламан: у нафақат буюк футболчи, балки ажойиб инсон ҳам. Одамлар буни билмаслиги мумкин, аммо унинг қалби жуда кенг, у доим ёрдам беришга тайёр. У жуда содда, оддий инсон.

— Месси-чи?
— Уни инсон сифатида яхши билмайман, аммо у ҳам ажойиб эканига шубҳам йўқ. Футболчи сифатида у бениҳоя зўр, — дея Модричнинг сўзларини "Corriere della Sera" келтиради.