"Барселона" "Атлетико" ҳужумчиси Хулиан Альварес хизматига қизиқиш билдирмоқда, дея хабар бермоқда DIario Sport.
Манбага кўра, каталонияликлар сўнгги ойларда 25 ёшли аргентиналикнинг атрофидагилар билан алоқада бўлган. Эҳтимолий трансферга "Барселона"нинг молиявий аҳволи тўсқинлик қилиши мумкин. Бундан ташқари, "Атлетико" ҳозирча форвардни сотишни режалаштирмаяпти.
Альварес 2024 йилнинг ёзидан бери мадридликлар шарафини ҳимоя қилмоқда. Бу мавсумда у барча мусобақаларда 23 та ўйинда майдонга тушиб, 11 та гол урди ва 5 та голли узатмани амалга оширди.
Transfermarkt портали Альвареснинг бозор нархини 100 миллион еврога баҳоламоқда. Унинг клуб билан шартномаси 2030 йилга қадар имзоланган.
