Миланнинг "Интер" клуби қишки трансферлар даврида таркибни кучайтиришни режалаштирмоқда.
"Нерадзуррилар" бош мураббийи Кристиан Киву жамоада янги марказий ҳимоячи ва ўнг қанот ҳимоячисини кўришни истамоқда - раҳбарият мураббийнинг ҳар икки талабини қондиришга ҳаракат қилади, дея хабар бермоқда журналист Паскуале Гуарро.
Ўнг қанот ҳимояси учун асосий номзод аллақачон маълум - Жоау Канселу. Марказий ҳимоячига келсак, бу ҳолатда гап келажакда асосий таркиб учун курашиши мумкин бўлган истиқболли ротация футболчиси ҳақида кетмоқда.
"Интер" А Серия турнир жадвалида "Милан"ни 1 очкога ортда қолдирган ҳолда пешқадамлик қилмоқда. 4 январь куни Киву жамоаси ўз уйида "Болонья"ни қабул қилади.
