«Кристал Пэлас» мураббийи Оливер Гласнер, «Марсель» устози Роберто Де Дзерби ҳамда «Комо» бош мураббийи Сеск Фабрегас Энцо Мареска ишдан олинганидан сўнг Лондоннинг «Челси» клуби бош мураббийи лавозимига номзод сифатида кўриб чиқилмаяпти. Бу ҳақда ESPN хабар бермоқда.
Нашр маълумотларига кўра, ушбу лавозимга асосий номзод — «Страсбург» бош мураббийи Лиам Росеньор ҳисобланади. Мутахассис «Челси» раҳбариятида яхши таассурот қолдирган, айни пайтда Лондон клуби "Страсбург" акцияларига ҳам эгалик қилади.
Росеньор қўл остида «Страсбург» Франция чемпионатининг 16 туридан кейин турнир жадвалида 8-ўринни эгаллаб турибди. Жамоа 23 очко жамғарган ва пешқадам «Ланс»дан 14 очкога ортда қолмоқда.













