Лондоннинг "Арсенал" клуби бош мураббийи Микель Артета Виктор Дьёкереш билан боғлиқ вазият ҳақида фикр билдирди.
27 ёшли футболчи кўпинча унчалик яхши ўйин кўрсатмагани учун танқид қилинади. Швед "канонирлар" сафида 22 та ўйинда 7 та гол урган.
"Кейинги беш йил ичида Дьёкереш атрофида шовқин-сурон кўпаяди. Бу "Арсенал"даги "тўққизлик" учун шунчаки ҳаётнинг бир қисми," - деди Артета Sky Sports’га берган интервьюсида.
Виктор Дьёкереш 2025 йил июль ойида Лиссабоннинг "Спортинг" клубидан келиб, Лондон гранди билан беш йиллик шартнома имзолади. Трансфер қиймати 65 млн евродан ошган.













