"Ювентус" ярим ҳимоячи Кефрен Тюрам билан шартномани узайтириш бўйича музокаралар ўтказишни режалаштирган.
24 ёшли футболчининг амалдаги келишуви 2029 йилгача мўлжалланган, бироқ "кекса синьора" раҳбарияти франциялик футболчидан мамнун ва у билан янги битим тузиш ниятида - музокаралар яқин ҳафталарда бўлиб ўтади, деб ёзади журналист Николо Скира. Хавбекка маошини оширган ҳолда шартномани 2030 йилгача узайтириш таклиф қилинади.
Кефрен Тюрам 2024 йилнинг ёзида "Ницца"дан "Ювентус"га ўтганди. Жорий мавсумда футболчи "бьянконерилар" сафида барча мусобақаларда 20 та ўйинда майдонга тушиб, битта гол ва иккита голли узатма муаллифи бўлди.













