"Ливерпуль" ва Англия терма жамоасининг собиқ футболчиси Жейми Каррагер "Манчестер Сити"нинг АПЛ чемпионлик пойгасидаги истиқболлари ҳақида фикр билдирди.
Айни вақтда "шаҳарликлар" турнир жадвалида "Арсенал"дан 4 очко ортда қолиб, 2-ўринда бормоқда.
"Манчестер Сити"да "Арсенал"даги каби сифатли захира ўриндиғи йўқ, аммо Гвардиола бундай бошланғич таркиб билан чемпионликка даъвогарлик қилиши мумкин, айниқса, Эрлинг Холанд бундай формада бўлса," - дея мутахассиснинг сўзларини келтиради The Telegraph.
4 январь куни Англия чемпионатининг 20-тури доирасида Хосеп Гвардиола жамоаси ўз майдонида "Челси"ни қабул қилади.
