"Кристал Пэлас" марказий ҳимоячиси Марк Гехи "Арсенал"нинг янги футболчисига айланиши мумкин. Бу ҳақда Daily Star нашри хабар берди.
Манбага кўра, "канонирлар" 25 ёшли Гехини ўз сафига қўшиб олишга қизиқиш билдирмоқда. Таъкидланишича, Гехининг жамоада пайдо бўлиши Льюис-Скеллининг ўзи афзал кўрган ярим ҳимоячи позициясига қайтишига ёрдам беради.
Бу мавсумда Гехи барча мусобақаларни ҳисобга олган ҳолда 28 та ўйинда майдонга тушиб, уч марта рақиблар дарвозасини ишғол қилди ва тўртта голли узатмани амалга оширди.
Аввалроқ, Гехи "Кристал Пэлас" билан келаси ёзда тугайдиган шартномасини узайтирмаслиги хабар қилинганди.
