"Челси" "Арсенал" ҳужумкор ярим ҳимоячиси Итан Нванери ва "Астон Вилла" хавбеки Морган Рожерсга қизиқиш билдирмоқда. Бу ҳақда Caught Offside хабар берди.
Манбага кўра, Рожерснинг Лондон клубига ўтиши "катта миқдордаги битим"га айланади.
Бундан ташқари, "Челси" ўтган ёзда муваффақиятсиз уринишга қарамай, ҳамон Нванерини ўз сафига қўшиб олишдан манфаатдор. Бироқ, "Арсенал" 18 ёшли ярим ҳимоячини "Челси"га сотишдан кўра, Англия Премьер-лигаси турнир жадвали ўрталарида бораётган клубга ижарага бериш эҳтимоли юқори.
Лондон клуби Англия чемпионатининг 19-туридан кейин 30 очко билан бешинчи ўринда бормоқда.
