Лондоннинг "Тоттенхэм" клуби вингер Бреннан Жонсон "Кристал Пэлас"га ўтгач, янги футболчини ўз сафига қўшиб олмоқчи. Бу ҳақда журналист Эд Ааронс хабар бермоқда.
Манбага кўра, айни дамда "шпорлар" "Манчестер Сити"дан Савио ва "РБ Лейпциг"дан Ян Диоманде ўртасида танлов қилиши керак. Иккала футболчи ҳам анчадан бери "Тоттенхэм" рўйхатида бор.
Бир неча кундан олдин "РБ Лейпциг" Диомандени тахминан 60-70 миллион еврога қўйиб юборишга тайёрлиги ҳақида маълумотлар пайдо бўлганди.













