"Кристал Пэлас" ҳужумчиси Жан-Филипп Матета Англия Премьер-лигасининг бошқа клублари қизиқишлари доирасига тушиб қолди.
28 ёшли футболчига "Манчестер Юнайтед" ва "Тоттенхэм" клублари даъвогарлик қилмоқда, дея хабар беради TEAMtalk. Бироқ, манбанинг аниқлик киритишича, "Кристал Пэлас" франциялик футболчини қишки трансфер ойнасида сотиш имкониятини бутунлай истисно қилмоқда.
Жан-Филипп Матета Англия чемпионатининг жорий мавсумида Оливер Гласнер жамоаси сафида 19 та ўйинда 8 та гол урди. Машҳур Transfermarkt портали экспертлари "бургутлар" форвардининг нархини 40 млн еврога баҳоламоқда. Футболчининг амалдаги шартномаси 2027 йилнинг ярмигача мўлжалланган.
