"Манчестер Юнайтед" бош мураббийи Рубен Аморим "Лидс"га қарши ўйин олдидан жамоанинг ҳужумдаги қийинчиликларини изоҳлади.
"Товуслар"га қарши баҳс якшанба куни бўлиб ўтади, ўйин Тошкент вақти билан соат 17:30да бошланади. Ўтган учрашувда "қизил иблислар" ўз уйида "Вулверхэмптон"ни мағлуб эта олмаганди (1:1).
"Бруну, Мбеумо ва Диалло бошқа ўйинчиларимизга қараганда кўпроқ голли вазиятлар яратишди. Ҳар қандай жамоа бу уч ўйинчисини йўқотса, қийинчиликларга дуч келиши табиий. Энди эса уларга Маунт ҳам қўшилди," - дея таъкидлади Аморим матбуот анжуманида.
"Манчестер Юнайтед" Премьер-лига 19-туридан кейин 30 очко билан турнир жадвалида олтинчи ўринда бормоқда.
