"Челси" клуби "Ньюкасл"нинг 25 ёшли ярим ҳимоячиси Сандро Тонали хизматига қизиқиш билдирмоқда. Лондон клуби Англия чемпионати даражасида синалган ярим ҳимоячилар бозорини таҳлил қилмоқда. Бу ҳақда Football Insider нашри хабар бермоқда.
Манбага кўра, "кўклар" Тоналини жорий қишда эмас, балки келаси ёзда сотиб олиш вариантини кўриб чиқмоқда.
Клуб италиялик футболчини сақлаб қолишга умид қилмоқда ва у 10 ойлик дисквалификациядан сўнг уни қўллаб-қувватлаган клубга содиқлик кўрсатиши керак, деб ҳисобламоқда.
Жорий мавсумда Тонали барча мусобақаларда 24 та ўйинда майдонга тушиб, 4 та голли узатмани амалга оширди. Футболчининг клуб билан амалдаги меҳнат шартномаси 2028 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг нархи 75 млн еврони ташкил этади.
