ОФК Тафтиш комиссияси аъзолари кеча тушликдан сўнг Зомин шаҳрига етиб келишди.

Меҳмонлар дастлаб клуб аъзолари ва стадион раҳбарияти билан кичик йиғилиш ўтказиб, ташрифнинг мақсади, нималарга эътибор қаратилиши ҳақида тушунтириб ўтишди. ОФК Клублар мусобақалари бошқармаси бошлиғи Бенжамин Тан “Зомин” Марказий стадионида шарт-шароитлар билан тўлиқ танишиб чиқди. Майдон ҳолати, допинг назорати, дарвоза тўрини рангини ўзгартириш ва ВИП секторлардаги баъзи ҳолатлар бўйича ўз таклифларини билдирди ҳамда жиддий камчиликларга дуч келмади. ОФК Молия бўлими ҳисобчиси Он Чон Хён эса клубнинг молиявий масалалари бўйича ҳужжатдар билан танишиб чиқди, унчадик жиддий бўлмаган камчиликларни бартараф этиш йўллари хусусида бош ҳисобчи ва тегишли ходимларга маслаҳатлар берди.

Қўйида текширув жараёнидан олинган фотолавҳалар билан танишишингиз мумкин.