"Манчестер Сити" "Труа"нинг 18 ёшли вингери Матис Детурбени ўз сафига қўшиб олмоқчи, дея хабар бермоқда L'Equipe.
Франциялик футболчи Лига 2да 17та ўйинда 2та голли узатмага муаллифлик қилди, унинг жамоаси ҳозирда пешқадамлик қилмоқда. Детурбенинг "Труа" билан шартномаси 2028 йилгача мўлжалланган.
Таъкидланишича, ёзда "Рома" футболчи учун 10 млн евро таклиф қилган ва уни кузатишда давом этмоқда. Унга немис клублари, шунингдек, қишда трансферни расмийлаштиришга уриниб кўриши мумкин бўлган "Монако" ҳам қизиқиш билдирмоқда.













