Машҳур инсайдер Фабрицио Романо футболчининг "Реал"дан кетиши ҳақидаги янги миш-мишлар фонида Родриго ҳақида маълумот берди.
Куни кеча матбуотда "қаймоқранглилар"нинг асосий таркибида ҳар доим ҳам майдонга тушавермайдиган 24 ёшли бразилиялик футболчи сотилиши мумкинлиги ҳақида хабарлар тарқалди. Романонинг сўзларига кўра, Хаби Алонсо Родригодан жуда мамнун ва унинг кетишини маъқулламайди. Ҳужумчи январда клубни тарк этмаслиги аниқ, ёзги трансфер ойнасида ҳам хайрлашиш режалаштирилмаган.
Transfermarkt портали Родригонинг нархини 60 млн еврога баҳоламоқда. Футболчининг "Реал" билан амалдаги меҳнат шартномаси 2028 йилнинг ярмигача мўлжалланган.













