Албаниялик ҳимоячи Амир Рраҳмани Римда "Лацио" 2:0 ҳисобида мағлуб этилган оқшомда "Наполи"нинг голларидан бирини урди.
Учрашувдан сўнг Рраҳмани муваффақиятли ўйин ҳақидаги ҳис-туйғулари билан ўртоқлашди.
"Мен охирги марта гол урганимга бир йил бўлди ва мен жуда хурсандман. Лекин жамоанинг ғалабаси бундан ҳам муҳимроқ.
Биз кетма-кет тўртинчи ўйинда гол ўтказиб юбормасдан ғалаба қозондик - бу бизнинг ҳимоячи сифатидаги саъй-ҳаракатларимиз ҳақида кўп нарсаларни англатади", - дея футболчининг сўзларини келтиради calcionapoli1926.it.













