"Манчестер Юнайтед" бош мураббийи Рубен Аморим клуб раҳбарияти билан келишмовчиликлар туфайли ўз лавозимини тарк этиши мумкин.
Якшанба куни "қизил иблислар" "Лидс" билан дуранг ўйнади (1:1). Беллашув якунида португалиялик мураббий трансфер масаласида етарлича таъсир кўрсата олмаётганидан ҳафсаласи пир бўлганини ва раҳбарият томонидан қўллаб-қувватланмаётганига ишора қилди. Журналист Алекс Крукнинг маълум қилишича, ушбу сўзлардан кейин мутахассиснинг "Манчестер Юнайтед"даги келажаги сўроқ остида қолмоқда.
Аввал хабар берганимиздек, Аморим агар бозорда муносиб номзод пайдо бўлса, "МЮ" унинг сўровига кўра катта трансферни амалга оширишини кутганди, аммо таркиб кучайтирилмайдиганга ўхшайди.
