"Манчестер Сити" бош мураббийи Хосеп Гвардиола Англия чемпионатининг 20-туридан ўрин олган "Челси"га қарши ўйиндаги дуранг ҳақида фикр билдирди. Учрашув 1:1 ҳисобида якунланди.
"Битта ҳужум ва улар бизга гол уришди. Аммо биз фантастик ўйин ўтказдик. Ажойиб ҳаракат қилдик, иккинчи бўлимдан кейин эса "Челси" бизни фаоллашишга, янада тажовузкор бўлишга мажбур қилди. Одатда "Челси" бундай ўйнамайди. Бизда ўйинни якунлаш учун вазиятлар бўлди," - деди Гвардиола баҳсдан кейинги матбуот анжуманида.
Англия Премьер-лигасининг навбатдаги турида "Манчестер Сити" ўз майдонида "Брайтон"ни қабул қилса, "Челси" "Фулхэм" меҳмони бўлади.
