Мадриднинг "Реал" клуби ҳужумчиси Гонсало Гарсия Ла Лига 19-туридан ўрин олган "Бетис"га (5:1) қарши ўйинда хет-трик қайд этди.
Испаниялик футболчи 20, 50 ва 82-дақиқаларда рақиб дарвозасини ишғол қилди. 21 ёшли футболчининг ҳисобида Хаби Алонсо бош мураббий этиб тайинланганидан бери "қаймоқранглилар" сафида еттита гол бор - бу Килиан Мбаппедан (30) кейинги иккинчи кўрсаткич. Ёш ҳужумчи майдонда анча кўп вақт ўтказадиган юлдузлар Винисиус Жуниор ва Жуд Беллингемни (олтитадан) ортда қолдирди.
"Бетис"га қарши ўйиндаги голлар Гарсия учун жорий мавсумдаги дастлабки голлар бўлди, яна тўртта гол ёзда бўлиб ўтган клублар ўртасидаги жаҳон чемпионатига тўғри келди.
Алонсо июнь ойи бошида "Реал" бошқарувида Карло Анчелотти ўрнини эгаллаганди.
