Мадриднинг "Реал" клуби ҳужумчиси Килиан Мбаппе "қаймоқранглилар"нинг бошқа бир ҳужумчиси Гонсало Гарсия Торреснинг Ла Лига 18-туридан ўрин олган "Бетис"га қарши ўйиндаги ҳет-тригига муносабат билдирди. "Қироллик клуби" эса 5:1 ҳисобида рақибдан устун келди. Мбаппе жароҳат туфайли ўйинни ўтказиб юборди. Катта эҳтимол билан у кейинги бир нечта ўйинларни ҳам ўтказиб юборади.
"Бум! Табриклайман ва янада катта муваффақиятлар тилайман. Бомбардир Гонсало Гарсия!", - деб ёзди Мбаппе.
Гонсало Гарсия жорий мавсум "Реал" сафида жами 18 та ўйинда (418 дақиқа) майдонга тушди ва ўз ҳисобига 3 та гол ҳамда 1 та голли узатма ёздириб қўйишга эришди.
