Марокаш терма жамоаси вингери Браим Диас Африка Кубоги 1/8 финалидан ўрин олган Танзанияга (1:0) қарши баҳсдан сўнг ўз фикрларини билдириб ўтди.

"Ҳар бир босқичдан сўнг турнир янада қизиқарли тус олмоқда. Бу сафар бизга жуда қийин рақиб қаршилик кўрсатди. Биз бу учрашувда ҳамма нарсани уддалай олмадик, лекин энг муҳими - чорак финалга чиқиш. Биз ишлашда давом этамиз ва кейинги ўйинга максимал даражада тайёр бўламиз", - дея ҳужумкор ярим ҳимоячининг сўзларини келтиради мусобақа матбуот хизмати.

Нуфузли мусобақанинг 1/4 финал ўйинида Марокаш терма жамоаси Камерун терма жамоаси билан куч синашади. Учрашув 9 январь, жума куни бўлиб ўтади.