Marokash terma jamoasi vingeri Braim Dias Afrika Kubogi 1/8 finalidan o‘rin olgan Tanzaniyaga (1:0) qarshi bahsdan so‘ng o‘z fikrlarini bildirib o‘tdi.
"Har bir bosqichdan so‘ng turnir yanada qiziqarli tus olmoqda. Bu safar bizga juda qiyin raqib qarshilik ko‘rsatdi. Biz bu uchrashuvda hamma narsani uddalay olmadik, lekin eng muhimi - chorak finalga chiqish. Biz ishlashda davom etamiz va keyingi o‘yinga maksimal darajada tayyor bo‘lamiz", - deya hujumkor yarim himoyachining so‘zlarini keltiradi musobaqa matbuot xizmati.
Nufuzli musobaqaning 1/4 final o‘yinida Marokash terma jamoasi Kamerun terma jamoasi bilan kuch sinashadi. Uchrashuv 9 yanvar, juma kuni bo‘lib o‘tadi.
