Каталониянинг "Барселона" клуби сафида тўп тепаётган марказий ярим ҳимоячи Френки де Йонг клубини ўзгартириши мумкин. Бу ҳақда Fijaches журналистлари хабар бермоқда.
Манбага кўра, нидерландиялик хавбекнинг трансферига Мюнхеннинг "Бавария" клуби қизиқиш билдирмоқда. Германия топ-клуби раҳбарияти де Йонг трансфери учун тахминан 50 миллион евро таклиф қилишга тайёр.
28 ёшли яримҳимоячи "кўк-анорранглилар" сафида 2019 йилнинг ёзидан буён тўп тепиб келмоқда. Унинг амалдаги меҳнат шартномаси 2029 йил июнь ойи охирида тугайди.
Испания чемпионатининг жорий мавсумида де Йонг 14 та жангда иштирок этди. Нидерландиялик футболчи 3 та голли узатмани ўз ҳисобига ёздириб қўйди.
