«Қўқон-1912» жамоаси таркибни кучайтириш билан бир қаторда ўтган мавсумдаги асосий таркиб футболчилари билан ҳам янги шартномалар имзолашда давом этмоқда.

Ўтган мавсум ҳимоя «қўрғони»да асосий ўйинчилар бўлган Шаҳзод Акрамов ва Алишер Салимов билан янги икки йиллик шартнома имзоланди.

Шунингдек, ўтган мавсумнинг иккинчи қисмида таркибга келиб қўшилган Шоҳруҳ Гадоев янги мавсумни «Қўқон-1912» жамоасида ўтказади.

Шаҳзод Акрамов ўтган мавсум 29 та учрашувда майдонга тушиб, 1 тадан гол ва ассист қайд этди.

Алишер Салимовнинг ҳисобида эса 32 та учрашув бор ва у битта ассист қайд этган.

Шоҳруҳ Гадоев эса жамоамиз сафида ўтган мавсум 14 та учрашувда майдонга тушиб, 1 тадан гол ва ассист қайд этган.