"Кристал Пэлас" қишда ҳимоячи Марк Гехининг трансфери бўйича позициясини аниқлаб олди.
Лондонликлар футболчи билан мавсум охиригача хайрлашишни режалаштирмаяпти, аммо бир қатор шартлар бажарилган тақдирда уни сотишни кўриб чиқишга тайёр. Журналист Бен Жейкобснинг маълум қилишича, "Пэлас"дагилар Гехининг сақлаб қолиниши жамоага мавсумдаги вазифаларни бажаришга ёрдам беради, деб ҳисобламоқда. Шу билан бирга, агар фойдали таклиф келиб тушса ва клуб тезда ўринбосар топа олса, қишда сотиш имконияти мавжуд.
Қайд этилишича, "бургутлар" агар таклиф суммаси 35 миллион фунтдан ошса, трансферни муҳокама қилишга тайёр - айнан шундай шартлар ёзда "Ливерпуль" билан музокараларда кўриб чиқилган ва келишувга эришилмаган эди. Шу билан бирга, "Манчестер Сити" арзонроқ нархга келиша олган тақдирдагина трансферга қизиқиш билдирмоқда.
