"Лион"га ижара асосида ўтган "Реал" ҳужумчиси Эндрик бир пайтлар Карло Анчелотти унга қандай маслаҳат берганини айтиб берди.
Эндрик италиялик мутахассис билан "Реал"да ишлашга улгурган.
"Унинг маслаҳати - бор, ўйна ва футболингни кўрсат. Мен ҳар доим унга амал қилишга ҳаракат қиламан," - дея 19 ёшли форварднинг сўзларини келтиради Фабрицио Романо.
Эндрик 2025/2026 йилги мавсумда мадридликлар сафида атиги учта ўйинда майдонга тушди. Шунга қарамай, жамоа бош мураббийи Хаби Алонсо футболчини мақтади.
Бразилиялик футболчи жорий мавсум якунига қадар "Лион" шарафини ҳимоя қилади. У кубокдаги дебютини "Лилль"га қарши ўтказиши мумкин.
