"Барселона" "Ал-Ҳилол"га португалиялик ҳимоячи Жоау Канселу бўйича расмий таклиф юборди.
Фабрицио Романонинг маълум қилишича, каталонияликлар футболчини ижарага олмоқчи ва маошининг бир қисмини қоплаб беради. Клублар ўртасида музокаралар давом этмоқда.
Аввалроқ, Миланнинг "Интер" клуби Канселунинг трансфери бўйича "Ал-Ҳилол" билан келишиб қўйгани, аммо футболчи ўзи учун устувор вариант бўлган "Барселона" таклифини кутиб, вақт сўрагани ҳақида хабарлар тарқалган эди.
2025/2026 йилги мавсумда Канселу олтита ўйинда майдонга тушиб, битта гол урди ва иккита голли узатмани амалга оширди.
31 ёшли футболчининг нархи 10 млн еврони ташкил этади.
