"Бавария" "РБ Лейпциг" ҳужумчиси Ян Диоманде хизматига қизиқиш билдирмоқда.
Мюнхенликлар ивуарлик ҳужумчини ёзги трансферлар вақтида ҳужумни кучайтириши мумкин бўлган футболчи сифатида кўрмоқда. Журналист Флориан Плеттенбергнинг маълум қилишича, Диоманде номзоди "Бавария"нинг шорт-листига киритилган ва унинг эҳтимолий трансфери жаҳон чемпионатидан кейин амалга ошиши мумкин.
Қайд этилишича, футболчининг "Лейпциг" билан 2030 йилгача мўлжалланган шартномасида товон пули миқдори кўрсатилмаган.
Диоманде жорий мавсум Бундеслигада 14 та ўйинда майдонга тушиб, 6 та гол урди ва 2 та голли узатмани амалга оширди.
