2026-йилги мавсумда юқори мақсадларни кўзлаган «Сўғдиёна» футбол клуби янги мавсумга пухта ва режа асосида тайёргарлик кўришни бошлади.

Жамоа қишки ўқув-йиғин машғулотларини бир неча босқичда ўтказиб, жисмоний ва тактик жиҳатдан тўлиқ шаклланишни мақсад қилган.

Тайёргарликнинг дастлабки босқичи 10–20-январ кунлари Жиззах шаҳрида ташкил этилади. Ушбу даврда футболчиларнинг умумий жисмоний ҳолатини тиклаш ва асосий юкламаларга тайёрлашга алоҳида эътибор қаратилади.

Шундан сўнг, 21-январдан 20-февралга қадар жамоа Туркиянинг Анталия шаҳрида ўқув-йиғин машғулотларини давом эттиради. Анталиядаги йиғин юқори интенсивликдаги машғулотлар, тактик ишланмалар ва рақобатбардош ўйинлар билан ажралиб туради.

Мазкур йиғин доирасида «Сўғдиёна» бир қатор хорижий жамоаларга қарши халқаро ўртоқлик учрашувларида майдонга тушади. Ушбу беллашувлар янги мавсум олдидан жамоанинг ўйин тизимини мукаммаллаштириш, футболчиларнинг мусобақа ритмига киришини таъминлашда муҳим аҳамият касб этади.

Ўртоқлик учрашувлари жадвали:

23-январ — «Сўғдиёна» — «Спартак Суботица» (Сербия)
29-январ — «Сўғдиёна» — «Силекс» (Македония)
1-феврал — «Сўғдиёна» — «Челябинск» (Россия)
4-феврал — «Сўғдиёна» — «ФК Алтай» (Қозоғистон)
10-феврал — «Сўғдиёна» — «Рустави» (Грузия)
13-феврал — «Сўғдиёна» — «ФК ПАРИ» (Россия)
16-феврал — «Сўғдиёна» — «Динамо Батуми» (Грузия)
19-феврал — «Сўғдиёна» — «ФК Факел» (Россия)


«Сўғдиёна» матбуот хизмати