"Манчестер Юнайтед" Рубен Аморим истеъфога чиқарилгач, янги бош мураббий қидирмоқда.
The Telegraph журналисти Жейсон Бёртнинг ёзишича, "қизил иблислар" "Порту" устози Франческо Фариоли вариантини кўриб чиқмоқда. Италиялик мураббийнинг номзоди "МЮ" раҳбарияти томонидан муҳокама қилинган, аммо ҳозирча бу борада аниқ позиция йўқ.
Франческо Фариоли "Порту"ни 2025 йилнинг ёзида қабул қилиб олганди. Шунингдек, у фаолияти давомида "Фотиҳ Карагюрюк" "Аланьяспор", "Ницца" ва "Аякс" клубларида ишлаган. Айни пайтда 36 ёшли мутахассис қўл остидаги "Порту" 17 турда 49 очко жамғарган ҳолда Португалия чемпионати турнир жадвалида биринчи ўринда бормоқда.













