Давиде Фраттези фаолиятини Туркияда давом эттиришга розилик берган. "Интер" ярим ҳимоячиси "Галатасарой" таклифини қабул қилишга тайёр ва қишки трансферлар давридаёқ жамоасини ўзгартиришга қарши эмас.

Sky Sport Italia нашри тарқатган хабарга кўра, истанбулликлар футболчини кейинчалик 30 млн еврога мажбурий сотиб олиш шарти билан беш миллион евролик ижара шартномасини расмийлаштиришни режалаштирмоқда. Футболчининг розилигидан сўнг турклар "Интер" раҳбариятига расмий таклиф юборишга тайёргарлик кўрмоқда.

Шу билан бирга, Фраттезининг кетиши миланликларнинг трансфер стратегиясини ўзгартирмайди. "Интер" ҳозирги таркибни мувозанатли деб ҳисобламоқда ва унинг ўрнига шошилинч харидларни режалаштирмаяпти.