"Челси" бош мураббийи Жозе Моуриньо АПЛ жамоаларининг ғолиблик учун имкониятлари ҳақида фикр юритди. Португалиялик мутахассиснинг ўзига хос қарашларини Goal.com ўз саҳифаларида нашр этган.
"Ўйлайманки, чемпионат стартидан 6та жамоа чемпионлик учун курашга киришади. Трансфер ойнаси фақат бир ойдан кейин ёпилади. Ҳаммаси кўп жиҳатдан трансферларга ҳам боғлиқ.
"Ливерпуль"? Нимага йўқ? Уларнинг ҳам икки йилдан буён ишлаб келаётган ажойиб мураббийи бор.
"Тоттенхэм" АПЛда ғолиб чиқолмайди, чунки шу пайтгача буни уддалай олмаган? Йўқ, бу аҳамиятсиз. Уларнинг таркиби жуда яхши шаклланган ва мураббийлари ҳам икки йилдан буён улар билан бирга.
"Арсенал", албатта, бу йил ҳам чемпионлик жанггига қўшилади. "Челси" бу - "Челси". "МЮ" ва "Манчестер Сити" - сўнгги икки йилдаги чемпионлар.
Декабрга бориб, "олтин" медаль учун даъвогарлар 4-5тага қисқаради, лекин ҳозир улар 6та", деди Моуриньо.