"Реал Мадрид" ҳимоячиси Трент Александр-Арнольд клубдаги фаолиятини муваффақиятсиз бошлади.
Журналист Жеймснинг сўзларига кўра, "Реал Мадрид" ёзги трансфер ойнасида жамоага қўшилган Трентдан норози. "Қаймоқранглилар" ҳимоячининг машғулотлар одатлари ва ўйинлар пайтида диққатини жамлашда муаммоларга дуч келаётганига ишонишади. Улар Трентга бироз кўпроқ вақт беришга тайёр бўлишса-да, уни сотиш эҳтимоли истисно қилинмайди. Унинг агентлиги аллақачон "Манчестер Сити" билан боғлана бошлагани ҳақида хабарлар мавжуд.
27 ёшли Трент "Реал Мадрид"га "Ливерпуль"дан қўшилди. У Испания гранди сафида барча мусобақаларда 11 та ўйинда майдонга тушди ва битта голли узатмани амалга оширди.
