"Страсбург" устози Лиам Росеньор "Челси"га тайинланиши ҳақидаги миш-мишларга очиқчасига изоҳ берди. Аввалроқ, у "аристократлар" мураббийлиги учун устувор номзод экани хабар қилинганди.
Росеньор бу маълумотни тасдиқлади. У тез орада Лондон клубини бошқариши кутилмоқда.
"Мен дунёнинг энг йирик клубларидан бири "Челси"нинг янги мураббийига айланмоқчиман," - дея Росеньорнинг сўзларини келтиради журналист Фабрицио Романо ижтимоий тармоқдаги саҳифасида.
Аввалроқ, "Челси" бош мураббий Энцо Марескани истеъфога чиқарган эди. Жамоа АПЛда бешинчи ўринда бормоқда.
