«Андижон» клуби янги мавсум учун таркибни шакллантириш доирасида тажрибали футболчиларидан бири — Сардор Азимов билан ҳамкорликни давом эттиради. Бу борада икки томон келишувга эришди ва янги шартнома имзоланди.

Азимов асли андижонлик бўлиб, 2023 йилдан бери жамоа шарафини ҳимоя қилиб келмоқда. У бунгача, 2019 йилда ҳам «Андижон» сафида тўп сурган.

Ярим ҳимоячи ўтган мавсумда барча мусобақаларда жами 35 та учрашувда иштирок этиб, 1 та гол муаллифи бўлди.

Умумий ҳисобда эса фаолияти давомида «Андижон» либосида 85 та ўйинда майдонга тушган. Ушбу баҳсларда 4 та гол урган ва 5 та голли узатмани амалга оширган.