Ижтимоий тармоқларда Рубен Аморимнинг "Манчестер Юнайтед" бош мураббийлигидан истеъфога чиқарилгани ҳақида ҳазил қилишмоқда. Нашрлардан бирида одамлар жилмайиб турган фотосурат келтирилган. Муаллиф ҳазил тариқасида бу одамларни Рубен Аморим ва унинг штаби деб таништирган.
"Мен ҳам 10 миллион фунт товон пули олсам, кулган бўлардим," - дейилади сурат остига қўйилган изоҳда.
Goal портали ушбу постга "Манчестер Юнайтед" ярим ҳимоячиси Кобби Майну "лайк" босганига эътибор қаратди. Маълумки, футболчи Аморим қўл остида кам ўйин амалиёти олаётганидан норози эди.
