"Манчестер Юнайтед"нинг вақтинчалик бош мураббийи Даррен Флетчер клубнинг Рубен Аморим билан хайрлашиши ҳақида нималарни ўйлаётганини айтди. Португалиялик мураббийнинг истеъфоси ҳақида душанба куни эълон қилинди.
"Аморим учун хафа бўлдим, лекин бўлар иш бўлди. Ҳозирги вазиятда клубга ёрдам беришга ҳаракат қилиш учун бу ердаман. Тўхтамасдан олдинга силжишимиз керак. Қилаётган ишларимнинг барчаси "Манчестер Юнайтед" манфаатларидан келиб чиқади, шунинг учун ҳозир бор эътиборимни "Бёрнли"га қарши ўйинга қаратганман," - деди 41 ёшли шотландиялик мутахассис матбуот анжуманида.
