"Бавария" марказий ҳимоячиси Дайо Упамекано клуб билан янги шартнома имзолашга яқин турибди.
Ҳамма нарса шуни кўрсатадики, томонлар келишувни узайтириш ҳақида келишиб олиш арафасида. Журналист Тоби Альтшеффлнинг сўзларига кўра, келишув 2027 йилнинг ёзида кучга кирадиган 65 миллион евро миқдоридаги товон пулини ўз ичига олади. Аввалроқ 27 ёшли футболчининг ўзи товон пул бандини талаб қилаётгани хабар қилинганди.
Дайо Упамеканонинг "Бавария" билан амалдаги шартномаси жорий мавсум якунлангач ўз ниҳоясига етади.













