"Сантос" клуби Неймар билан шартномани узайтирганини эълон қилди. Ҳужумчининг янги меҳнат шартномаси 2026 йил охиригача мўлжалланган, бу ҳақда Бразилия клуби матбуот хизмати хабар берди. Аввалги шартнома 31 декабрда ўз кучини йўқотган эди.

Неймар 2025 йилнинг январида ўзининг қадрдон "Сантос" жамоасига қайтди. 33 ёшли футболчи жамоага Бразилия А Сериясидан тушиб кетишдан қутулиб қолишга ёрдам берди. Мавсум якунида футболчининг тиззасида жарроҳлик амалиёти ўтказилди - тикланишнинг аниқ муддати ҳозирча маълум эмас.

5 февраль куни Неймар 34 ёшга тўлади.